Wetter auf Rätoromanisch

Quist blog es dedicho a la lingua rumauntscha. In quist blog analisains la situaziun generela da l’ora e guardains inavous sün ils orizis dad her e sün quist mardi sulagliv e chod. Per tuots da lingua tudas-cha; Der heutige Blog erscheint in Rätoromanisch.

Als Lesehilfe haben wir Ihnen anfangs Blog ein Online-Wörterbuch verlinkt.

L’ora da hoz d’eira la granda part dal temp sulagliva la bunura suvenz eir sainza nüvlas. Foto dal Lej da Wägital: D. Gerstgrasser

Für die deutschsprachige Leserschaft:

L’autur dal artichel displaṣchaivelmaing nun ho druvo la lingua rumauntscha na pü da desch ans. Pervi da que quist blog prubabelmaing cuntegna bgers sbagls. Ils lecturs rumauntschs e las lecturas rumauntschas sun invidos/invidedas da fer attent sün eventuels sbagls e da fer correcturas aint ils commentars. 🙂

Situaziun generela

Zieva il disturbis temporels dad her, l’ora s’ho calmo sur not fich svelt. La causa principela per quista meglioraziun d’eira üna zona da pressiun ota, chi d’eira impustüt marcant aint las vettas plü otas. In tudas-ch nus dschains “ein (Höhen)rücken”. Forsa il pled meteorologic güst füss „ün döss“. Il cuntrari es tenor il pledari grond “ün foss“ u alura üna “situaziun atmosferica da foss” (in tuda-sch „ein Trog“, „eine Troglage“).

Repartiziun da la pressiun in differentas otezzas (a schnestra sün ca. 5700 meters, a dretta sün ca. 1500 meters).

Retrospectiva dals urizis her zievamezdi

La carta muossa il totel da las precipitaziuns da lündeschdi a las dudesch fin hoz, dudesch. Bgeras regiuns sun restos displaschaivelmaing süts. Lung ils Prealps centrels e da l’ost, üna lingia da convergenza d’eira respunsabel per repetidas razzedas e temporels. Cun precipitaziuns intourn 20 e local 50 mm, quists plövgias sun ün prüm (pitschen) pass cunter la süttina actuela. Da pü precipitaziun es aspetteda duraunt ils prossems dis!

Hoz mardi: Per granda part sulagliv e chod

Insembel cun quista zona da pressiun ota ed il curraint da südvest l’ajer s’ho süjanto svelt e marcant. Pervi da que già la not passaiva quasi in tuot ils regiuns da la Svizra cun ün tschêl serain. Be local s’haun furmo vels da tschiera, scu per exaimpel al nord da’l Lej Bodan (Lej da Constanza) u aint l’Engadina. Otramaing l’ura d’eira tuot la bunura splenduraint.

Tschiera da bunura aint l’Engadin’Ota. Vista dal Piz Nair in direcziun süd. A l’orizont da la vart dretta nus vzains ün nüvla dal tip „cumulonimbus“, ün relict d’ün temporel chi s’ho s-chargio aint la bunura bod al nordvest da Piacenza (ca. 160 km als süd da’l Piz Nair!).

Zieva üna bunura relativmaing fras-cha (almain aint las planüras) cun minimias intuorn 12 gros al nord e 14 gros al süd da las Alps, las temperaturas muntaivan fin al zievamezdi in tscherts lös sün valurs sur 30 gros. Tenor la definiziun meteorologica quist es ün “di da chalur”. Üna chosa ch’ils abitants da l’Engadin’Ota nu cugnuoschan. 🙂

Temperaturas maximelas dad hoz, 16. avuost 2022.

Duraunt il di, cun il s-chudamaint da l’ajer et il cumanzamaint da la termica, ün pêr nüvlas dal tip cumulus s’haun sviluppo sur las muntagnas. Ün pôin pü numerusas d’eiran las nüvlas al Nord dal Tessin ed aint il Mesoc. Quistas nüvlas nu haun pudieu crescher vaira ot pervi da l’ajer süt.

Duraunt la prosma not sün marculdi, il foss sur il Atlantic s’approsma vers ils Alps e mnaro dal südvest ajer pü ümida e pü labila. Cun que las nüvlas dvaintaron dapü extaisas ed la tendenza da temporels augmentaro, impustüt al vest da la Svizra.

Titelbild: L’ora da hoz d’eira la granda part dal temp sulagliva la bunura suvenz eir sainza nüvlas.
www.twitter.com/danivumalvier

Quelle: Bundesamt für Meteorologie MeteoSchweiz
Titelbild: D. Gerstgrasser